دوستاقدا اويانيش
يالوارما منه ، سني ائشيتمك ايسته ميره م، قارنيمين آج ليغيني و عاييله مين گؤز دانيشيغيني ائشيديره م بس دير، اوشاغيم گئجه يئمه ك گؤزله يير، سني ائشيديم يا ال لريمه تيكيلن گؤزلري ...!؟
بونلاريني ائشيديب بير ديبده سوسدوم و سسيمي چيخارتماديم ، دؤشونمز بيلديگيم بير اينسانين سؤزؤ مني سوسدوردو، عاييله سيني سئويردي ، اونلارين آج قالماماغينا چاليشيردي،
دونيانين توتساقدا اولماغيني بئله آنلاماميشديم، بير نئچه گون اولاردي بوردايديم، اؤزومو حاقلي بيلهرهك يئمك لريني ده يئميرديم، بير ايچيم سودا ايچمه ميشديم هر گون سورغولار باشلانيردي :::>
بوش بير ياشاييش
سس سيز بير گئجه ده ، اوزاق خياللاردا ، بوش بير ياشاييشه محكوم اولموشام ، يارانيش يالانميش ، ياشاييش دوزاق ، يالنيزليق منيم له يولداشليق قورور ، آنيلاريم گؤز اؤنؤمده يالانلانيرهر گون و آنلاريمدا ايچيمده چارپيشمادادير ، اونودولموش بير دؤرت يول آراسيندا گئجه - گوندوزون گلمه سي ني آنلاميرام ايچيمده بوغولان سنسيزليك ، سوسقون بير ايچيم سو كيمين حسرتينده يانان دنيزه بنزه يير ، لام بيراخيلميشام ، تام بيراخيلميشام ، نه بير دالغاليق گوج واردي منده نه بير هاراي گوجلو سس . خياليمدا ايزلريني بزه ييره م و :::>
هـــــــه يــــــوخ بلـــــــــي ... !
آلتي ياشيمي قورتارماقدايديم، او گونلر آنام ائوده دئييردي: اوغلوم مكتبه گئده جك ، درس اوخويوب دوكتور اولاجاق.قارداشيم دئييردي يوخ اؤيرتمن اولاجاق درس دييه جك، هره بير سؤز دئييردي، من ايسه ... گيجه ليب قالميشديم .
بيرينجي گون ايدي، آنام مني مكتبه آپاريريدي و من آغلايار كن آنامدان آيريلماق ايسته ميرديم ، بير آن گؤزومو آچيب اؤزومه گلديكده، گوردوم مكتبده اوتورموشام و اوشاقلار منه باخيرلار بير آزدان سونرا اؤيرتمن ايچه ري كئچدي، اوشاقلارين آديني سوروشماغا باشلادي. فيكريم اوزومده دئييل ايدي، اؤزومه گلمه ميشديم هله.
بيردن اؤيرتمن سينيرلي بير حالدا سوروشدو:
سنين له دييله م...؟ آدين نه دير ..؟ دئميره م آدين نه دير ...؟
من كي اوره ييمي قورخو آلميشدي بيردن اؤزومه گلديم ...>>>
قارا ميللت
بير سن وارسان ، بيرده من . اونلارلا برابر بيز ياراديريق . بيز ، بيز اولاراق ، بيرليك ده يارانير . الده آل بايراق ، ديلده ديلچيليك ، ائلده ميللتچيليك ، وطن قايغي سي چكير . وطنين آجيماسيزلارينا قارشي دوراراق ، يول يارانير بو يولدا يول بير اولان اينسانلاردا وار . آچيق دوشونجه لي اينسانلارلا برابر دوستاقلار يارانير . كور باخيشلي لار قالير قارالير قارا آديني اؤزونه آلير ، قارا ميللت . كار ائشيده ن لر آلير سؤز آلير يئرالما ساتيب پول آلير ، قارا ميللت . دؤشونمه ين اينسانلاردا وار قالير قالير دئسن – دئمه سن گيجه لير قالير ، قارا ميللت . اودا آلير چوخ آغير آلير شرفسيزليگي يؤزؤنه پاي ، بيرينه هاي آلير ، قارا ميللت . بو هايلارينا هاي وئرن اينسان گؤنؤ گؤنده ن چوخالير و چوخالديقجا بو ميللت اويانير دوغرو سؤزلر ائشيدير داماريندا قان قالانير.
قارا بايرام
كيمسه لر منه تبريك ائديردي يئني بايراملاريني ، كيمسه لر شنليك ائتمه يه چاغيريردي ، كيمسه لرين ياديندا دئييردي منيم قارا بايراميم ، آغري دولو گونلريمي و آجي دولو گئجه لريمي اونوتموشدو كيمسه لر ، كيمسه لرين دؤيؤن گؤنودور و كيمسه لرين آد گؤنؤ ، كيمسه لره ياشاييش شن بير دورومدا داوام ائدير و كيمسه لر ياشاييشي دوشونمه دن شنليك ائدير.
قارا بايراميم قوتلو اولسون
سنسيز ياشاماق
سس سيز بير گئجه ده ، اوزاق خياللاردا ، بوش بير ياشاييشه محكوم اولموشام ، يارانيش يالانميش ، ياشاييش دوزاق ، يالنيزليق منيم له يولداشليق قورور ، آنيلاريم گؤز اؤنؤمده يالانلانيرهر گون و آنلاريمدا ايچيمده چارپيشمادادير ، اونودولموش بير دؤرت يول آراسيندا گئجه - گوندوزون گلمه سي ني آنلاميرام ايچيمده بوغولان سنسيزليك ، سوسقون بير ايچيم سو كيمين حسرتينده يانان دنيزه بنزه يير ، لام بيراخيلميشام ، تام بيراخيلميشام ...>>>
هاراي
يام ياشيل يارپاقلار يئره توكولور، گنجيمين گنجليكده بئلي بوكولور ، هئي قارداشيم هئي منيم باجيم ... هاراي چكين آنامين هاراي ديلي بوكولوب ... آناسيز - آتاسيز اوغوللو - قيزللي ايندي مامان دئييب بابام چاغيرير يازيغيم گلير بو اولكه ميزه يازيغيم گلير گنج ائليميزه يئريميز يا قفه خانادي يادا خياوان قيراغيندا كارتون ياتاغي . ذليل گونلريميزه يازيغيم گلير هاراي چكين منيم سينميش اوره گيمه ، سو سه پين منيم يانميش ديله گيمه . هاراي چكين بئش ياشيندا اوغلانلارين الينده چكيلن سيگارالارا ، هاراي چكين ديللي - ديلسيز مكتب لرده يانان بالالارا ، هاراي چكين فارس ديلنده دانيشماقلا كيلاس قويان قادينلارا ، هاراي چكين ... >>>